做冬「當紅」東星斑搶手500蚊斤
【本報訊】冬大過年，不少市民昨早到街市選購做冬餸菜，活雞及海鮮售價貴一、兩成，有魚販指今年銷情由上周五起「旺足」四日。因氣溫驟降，冬至打邊爐成不二之選，有凍肉商表示沒有加價，各種肉丸仍售每磅三十二元，惠及街坊「平」過冬至。
打邊爐受捧 餃丸多人買
昨晨九時許，九龍城街市人流如鯽，不少長輩拖購物車到場大手掃貨。七十歲姚太花千元買活雞、魚、海參及冬菇等「貴價貨」為子女及孫兒下廚，「平日煮飯二百蚊有找，做冬無計啦！」她說，做冬在家吃飯最緊要「齊齊整整」。有大學三年級生林同學，放假陪同媽媽買餸，準備與十多名親友打邊爐過節。凍肉舖老闆張小姐說，近年多港人「貪方便」打邊爐過節，生意比平時多一、兩成，以餃子、肉丸類等最受歡迎，魚皮餃賣廿五元一盒，魚蛋、牛丸每磅卅二元，「都係想大家開心做冬」。
三斤重嘉美雞要200元
活雞是冬至飯的「主菜」，九龍城雞販梁太做到「冇停手」，她說入貨量比平時多兩至三成，價格亦貴一至兩成，以平均三公斤重的嘉美雞為例，賣逾二百元一隻。海鮮價格亦上升，魚檔負責人冼太表示，海蝦由前日一百三十元一斤，升至一百四十元一斤，東星斑更「貴絕全場」，要五百元一斤，比平時貴兩成半，「紅色嘅魚、海蝦等好意頭，貴啲都有人買」。
菜檔和豬肉檔的銷情相對平淡。菜販莊小姐說，不少市民選擇出外做節，加上蔬菜非「主打」，菜心及生菜等只加價兩元至每斤十四元。