立法會議員鍾樹根時不時都會喺立法會講錯嘢，或自創一啲新成語，例如「子烏虛有」、「明張目膽」、「雞毛鴨蒜」等，點知尋日發言時又甩轆。立法會尋日辯論「增加青年人向上流動機會」嘅議案，包括泛民主派議員陳家洛在內嘅六位議員提出修訂，但樹根發言時就誤將陳家洛當成郭家麒，批評郭家麒等泛民議員提出嘅修正案係「對錯焦、用錯神」，當然被泛民議員寸爆收場啦！其實除咗樹根失魂外，會否因為陳家洛同郭家麒兩人有啲相似，抑或知名度不足呢？
