渡海濠情：嚴肅山羊男凡事都認真

好多囡囡都好怕男朋友太嚴肅，特別係喺一大班朋友面前，男朋友突然擺款說教，真係乜嘢面子都丟晒，好似嚟自利澳水療嘅Lily就話佢男朋友經常係咁，搞到朋友都冇晒，明顯佢男友一定係十二星座中最嚴肅嘅山羊座！

神憎鬼厭

Lily話：「我男朋友就係山羊座！佢平時冇嘢，有講有笑，但一有人挑起佢條筋，佢就會一臉嚴肅咁講大道理，如果你表示有興趣，佢可以同你講足幾個鐘頭，你話大家朋友出嚟玩，唔係大食會就係去夜店玩，邊個得閒聽佢講道理吖！但如果你表現不耐煩，佢一定會問你係咪聽唔明？如果你話聽得明，佢就會繼續講落去，但如果你話聽唔明，咁仲大鑊！因為佢會從頭開始講過，啲朋友唔係畀面我，早就發佢爛渣，但佢一啲都唔覺煩到人，仲以為自己講嘢好有吸引力，不停口咁講落去。我一發現佢大發謬論，就會將朋友拉走，所以個個朋友都怕咗佢，仲話有佢出席嘅活動，千萬唔好預佢哋，你話係咪神憎鬼厭吖？」

認真親熱

乜真係咁嚴重？Lily話：「其實聽人講講道理，本來都係唔錯嘅事，但佢無論乜嘢話題都係一臉嚴肅，我捱到十零分鐘都已經快要崩潰，我啲朋友曾經畀佢哦足三個鐘，最後話返到屋企發夢都仲聽見佢把聲。我成日都提佢唔好事事都咁嚴肅，佢話認真面對，認真分析，認真處理，就係佢嘅座右銘，有朋友問佢親熱時係咪都咁嚴肅？唔怕話畀你知，佢真係一樣咁嚴肅，例如前戲時，佢一面挑逗我，一邊觀察我嘅反應，所以全身嘅敏感點，佢都了解得清清楚楚，有幾個點仲係佢搵出嚟，連我都唔知添！至於煞食體位，同佢一齊兩三個星期，佢已經完全掌握，我哋每次親熱，佢都捉到我路，令我又生又死，高潮迭起，所以條友係麻煩啲，但亦都有吸引死人嘅地方！」