「佔中」搞到香港一夜淪落。然而，以「打不死」見稱的「香港精神」，唔通就咁眼白白見香港呢個「福地」，就咁一夜回到文革前？
天真教授眼見佔中無路，於是宣布復教，回到大學美好校園過其正常生活，佢點完火頭，搞到香港一鑊泡後，拍拍屁股，就可以當冇咗件事，何其瀟灑！可憐一班要揸車搵食嘅司機，因佔領運動持續逾月，有電車司機控訴，原本每月有二千多元的加班津貼，因佔路影響而沒有了，呢筆收入係用來畀上學仔女嘅飯錢，「依家冇咗喇，我哋要食飯o架」！說到激動處，不禁眼泛淚光！
天真教授及一班處世未深嘅學子，有冇諗到阻人搵食，罪大惡極啊？有人說：時間就像「事業線」，只要一躺下來，就甚麼都沒有了！不過，老朽在想，佔領運動「遍地開花」，尤其「九二八」一役，對香港民生經濟恍如投下重磅炸彈，「畀條路行吓」成為回歸後最強音，一百八十三萬多個簽名要求佔領人士「還路於民」，同文高呼「快清場」……「佔中三子」締造了香港一段無法撫平嘅傷痕歲月！佔領的時間創傷，不會像「事業線」，只要躺下來就甚麼都沒有了，反之，這傷痕將見證「香港之死」。
一如詩人徐志摩不聽恩師梁啟超力勸，苦苦追求浪漫愛情失敗，其後，他有一首「生活」的詩，借之用來形容佔領運動後的香港，無疑十分貼切：「陰沉，黑暗，毒蛇似的蜿蜒，\生活變成了一條甬道：\一度陷入，你只可向前，\手捫索着冷壁的黏潮。\在妖魔的臟腑內掙扎，\頭頂不見一線的天光，\這魂魄，在恐怖的壓迫下，\除了消滅更有甚麼願望？」
再咁佔領下去，若然連維園年宵都取消，剝奪市民「行大運」權利，香港，除了消滅更有甚麼願望？