渡海濠情：巨蟹男人愛回家

要數十二星座中嘅最佳住家男人，一定係巨蟹座嘅朋友，因為佢哋除咗返工同埋唔可以唔出席嘅應酬之外，幾乎全部時間都會黐喺屋企，嚟自十八桑拿嘅阿花就話：「好就係好，但日夜對住，見得多真係會好悶呀！」

美食專家

阿花話：「我前男友就係巨蟹座嘅，佢哋對人十分溫柔體貼，只要你想要嘅嘢，佢都可以滿足到你，當然超貴嘅名牌手袋就唔係話有就有，但一年裏面貴價禮物總會收到一兩份，佢哋除咗體貼仲好黐家，只要一放假，佢真係可以廿四小時留喺屋企，由於冇嘢好做，所以我會叫佢同我全間屋大掃除，加上洗埋成個星期未洗嘅衣服，總之佢嚟一次，我屋企就成間乾淨晒，好過請女傭嚟清潔，而且佢哋大多數都好喜歡整番兩味，好似我舊男友，佢中餐西餐都識得整，而且手藝一流，一日三餐，你想食乜嘢，佢都可以整得到出嚟，起初真係好爽，但我慢慢發覺唔掂，因為成日唔出街，就喺屋企猛食，身材唔變形就怪，所以同佢喺埋一年，足足肥咗成廿磅，真係嚇死人！」

觀察入微

咁你哋可以搵啲激烈運動做吓嘛！阿花話：「我哋有呀！一日最少做兩三次，因為佢哋好識得觀察你嘅細微動作，只要畀佢知道你嘅敏感部位，佢哋就會不時進攻一下，令你腎上腺素急升，就算過招期間佢哋都會留意住你嘅反應，所以無論角度和力度佢哋都掌握得恰到好處，因此每次都可以令我高潮迭起，所以佢哋絕對係好男人，但有樣唔好，就係佢哋成日都黐家，叫佢出去行街睇戲簡直要佢命咁樣，除非約咗成班朋友焗住要應酬吓，佢哋至會出去走一下，如果只得你兩個真係唔使旨意，而且佢哋實在太黐家，一出門旅遊，就會嘈住要返屋企，埋怨有乜好玩，真係畀佢哋激死，搞到連你都會冇晒癮，人家青春少艾，人生多姿多采，住家男人，暫時接受唔到囉！」