公屋邨亂綠化嘥錢

「馬路同貨車泊位都鋪晒一格格草地，但每格都用啲水馬或者膠帶圍住，唔單止冇嚟實際，仲要啲車轆多兩轆就枯晒要換，係咪嘥晒納稅人啲錢？」馬先生指啟晴邨入口一段行車線鋪滿草皮，不但以水馬及膠帶圍封，而鋪設於貨車泊位的草地長期被車輛輾至寸草不生，質疑房署為滿足邨內綠化比率，「盲搶地」加建綠化帶。

「養草時間仲多過人用」

德朗邨居民梁太同樣批評邨內綠化帶過多，影響居民生活，「條邨已經好多花草樹木，連簷篷都種埋草，整幾多捕蚊機都冇用啦！」梁太家住低層單位，窗戶外望平台花圃，無論在家或在邨內散步皆無可避免「畀蚊針」。

啟晴邨部分泊位被圍封，豎立不准泊車通告。

啟晴 啟晴邨遊樂場旁設草地供市民休憩，惟長期圍封無法使用。

梁太又指啟晴邨遊樂場旁雖設置休憩草地有供居民使用，惟經常圍封「養草」，令居民「有得睇，冇得使」，「養草嘅時間仲多過開放畀人用，不如直接整多個公園畀小朋友玩好過啦！」

德朗邨簷篷盡是綠化花圃，同被圍封。

德朗 德朗邨設有極多綠化帶，雖景觀優美，同時亦弊處多多。

九龍城區居民聯會啟晴邨總幹事梁婉婷與記者巡視邨內綠化帶期間，發現多塊草皮都有枯萎情況，全部正圍封護養，部分更正在進行更換草皮工程，「唔只馬路同泊車位，仲有一塊可以畀人踩上去嘅草皮，都係圍半年先開幾個月，根本唔符合成本效益！」梁又指簷篷花圃及邨內綠化帶亦惹來蚊患問題，認為房署應重新審視現行綠化政策，考慮是否採用其他優化方案，以善用原有綠化空間。

房署未回應保養開支

房屋署發言人指出，兩屋邨以「綠茵家居」為題，規劃時的綠化比率為百分之三十，合共面積約為二萬七千五百平方米，與現時綠化實際比率相若。啟晴邨部分行車路旁及貨車上落貨位鋪上可供車路使用的草皮，由於有關草地在入伙初期被密集使用，現需圍封保養護理。

至於有指草皮不時被圍封養草，犧牲居民活動空間，發言人強調規劃及設計已平衡綠色生活環境及居民活動空間需要，將會做好防蚊措施。至於保養及維修草地之開支，發言人則未有回應。

記者：黃芷君、林永發