政情：公民講場：肥彭遺禍深 被促收聲

末代港督彭定康（肥彭）近日多次公開評論香港政改及佔領行動，包括日前出席英國國會聽證會批評港府管治及處理佔領行動嘅手法。九十年代曾狠批肥彭提出政改方案係「三違反」嘅前新華社香港分社副社長張浚生，尋日出席一個閉門座談會後又再批評肥彭呢位「老對手」，話肥彭當年喺香港做咗很多嘢，已留下好多禍害，強調香港現已回歸，希望肥彭返英國後就唔好再對香港問題發表言論，勿再插手香港事務。不過，肥彭咁「口痕」，就算搵蛋撻都未必塞得住佢把口喇！