政情：港珠澳橋工程延誤一年？

運房局話發展局寫錯

我哋梗係即刻追問運房局啦，但答案竟然係話發展局「寫錯咗」，但當有電視台報道大橋延誤消息後，運房局同發展局都唔澄清，莫非兩個局係度「扯貓尾」？

立法會議員胡志偉之前向政府提問，要求相關部門交代各大型基建項目嘅工程費、完工日期及需要嘅人手數目。負責回覆嘅係發展局就以表列形式、順住完工年份咁列出唔同嘅項目，結果應該喺一六年完工嘅港珠澳大橋香港口岸，竟然仲起得慢過高鐵，要到一七年底先完工，同運房局之前嘅講法明顯有出入。