佔領行動進入膠着狀態，適逢維園年宵攤檔開始一連多日嘅競投，食環署官員事前張揚唔知佔領行動持續到幾時，話視乎情況可能終止年宵，或縮短舉行日數，似乎驚維園有被佔領嘅可能。查實食環署呢個擔心有啲多餘，依家連佔中發起人之一嘅港大法律系副教授戴耀廷都已經返學校教書，疑變相提早退場，要佔領者繼續佔領或再擴大戰線，真係談何容易呢？
