渡海濠情：權力下放後果自負
瑞士有科學家經研究發現當你擁有權力，會產生飄飄然感覺，係因為大腦分泌出「多巴胺」，之後為咗追逐呢種快感，於是繼續追求更大權力，因而令人變得更獨裁和自私，嚟自大富豪桑拿嘅小雲就話：「我男朋友就係咁嘅人！」
輕鬆得多
小雲話：「我男朋友以前好聽我話，凡事都要請示過我，佢至敢去做，但我發現長此落去唔係辦法，因為佢乜都依賴晒我，我以後咪好唔得閒，何況咁大個男人，總要有啲主見至得，於是我開始訓練佢好多事都要自己嚟決定，唔好吓吓都問我，起初佢習慣咗問我意見，一遇上問題就想問我攞答案，當時一見佢走埋嚟，即時就鬧鬼佢，於是佢開始學習自行決定，漸漸好多生活上嘅瑣事，都交由佢自己決定同處理，起初不知幾好，成個人感覺輕鬆晒，但慢慢見佢得意起嚟，而且愈嚟愈興奮咁樣，慢慢覺得兩個人之間嘅事，應該全都聽他，於是開始喺大事上自把自為，唔問我嘅意見之餘，仲要我一定要跟佢嘅去行，起初都可以忍吓佢，但佢竟變本加厲，愈嚟愈野蠻，最後焗住要同佢分手。」
徹底滿足
有幾嚴重呀？小雲話：「我哋以前行街睇戲食飯，做乜嘢都要請示過我，但家陣佢話去邊就去邊，有時部戲唔啱我睇，或者啲嘢唔啱我食，但佢都一於好少理，問都唔問就要我照晒佢嘅意思去做，我梗係唔接受啦！幾大都要捍衞自己嘅主權，於是我咪同佢成日嘈交囉！最唔要得就係私自更改親熱時嘅節奏，因為呢啲嘢習慣咗就唔想改，但佢偏要改，次次都打亂晒我嘅情緒，而且仲加入好多我最唔喜歡嘅招式，乜嘢掛鼓，乜嘢推車，佢就爽呀！但我就一啲都唔爽，頭一兩次都聽佢講嘅，見佢親熱完特別滿足，明顯一來試到新招，二來就係滿足到佢大男人嘅心態，但次次都照晒佢嘅意思，咁仲得嘅，於是同佢又嘈起嚟，最後毅然分手，所以話對男朋友真係唔好放權，一放權就收唔番！」
小雲Profile
年齡：22歲
三圍：35-24-35
撰文：小德
攝影：阿昌