喉管老化連環爆 水署死撐無影響

「幢樓好多老人家，成日用食水沖廁，整到地下濕晒就好容易跌親，我自己都試過整親腳。」顏姐家住彩霞邨，直指該邨的鹹水近月經常斷供，對居民造成不便，加上邨內人口老化，擔心長者以食水沖廁時容易跌倒。顏姐又稱，最近發現邨外的彩霞道多次爆水管，懷疑邨內鹹水斷供與此有關。

食水沖廁「水費貴幾百」

另一居民朱太則指屢停鹹水令水費大幅增加，「最近兩個月停過幾次水，最耐嗰次仲停咗兩個星期，一日要用十幾桶食水沖廁，水費都貴咗幾百蚊！」朱太又指除鹹水斷供外，邨內近日亦曾發生暫停食水事件，「冇鹹水都算啦，仲要連食水都冇，咁點沖涼？」

觀塘彩霞道近月頻頻發生水管爆裂或滲漏事件，水務署卻死撐與彩霞邨供水無關。（顏汶羽提供）	受鹹水停供影響，住戶需以食水沖廁。	顏汶羽

水務署發言人表示，過去一年共接獲十八宗觀塘區鹹水管爆裂報告，彩霞道附近則曾於六月上旬的四日內、八月連續兩日及九月出現滲漏或爆裂，惟事件對彩霞邨供水並無影響。發言人承認，區內部分喉管老化，該署將老化喉管納入「更換及修復水管計劃」，工程預計於明年年底完成。至於食水斷供問題，發言人則指渠務署早前於附近進行工程，須進行水管改道，故彩霞邨需暫停食水供應八小時。彩霞邨管理公司發言人透過電話回應事件，承認屋邨鹹水管曾於八月爆裂，需時十日維修，強調有即時安排泵水上水缸供住戶使用。

工程師倡全面檢查更換

「地底啲水管係連埋嘅，如果附近有工程或者水壓突然變化得好大，都好易會令附近本身有裂痕嘅喉管再爆！」工程師陳子明指出，即使水管由不同部門或公司負責，地底下的水管仍是環環相扣，當附近喉管出現問題或水壓突然變化，或會引發連鎖效應。陳又稱，老化為喉管連環爆裂的主要原因，建議當局進行全面檢查及更換，以根治問題。

當區區議員顏汶羽則說，觀塘屬於舊區，喉管已告老化，彩霞道雖只有短短數百米，但數年間已發生逾十次爆水管事故，不滿當局僅以「頭痛醫頭」方式處理，令問題解決無期，「水務署一句話停鹹水唔關事就算，但問題係成區啲水管都老化，水務署再唔加快換喉，呢啲連環爆喉情況只會愈嚟愈密！」

記者：詹海萍、黃芷君