渡海濠情:胸唔使大 自然最美

大家都認為女性嘅性感指標,一定係心口條事業線,乳溝愈深就會愈性感,但近年歐美娛樂圈同潮流界,竟然反其道而行,鼓吹「沒有乳溝的乳溝」,追求所謂自然美,嚟自富城會嘅小馨就話:「自然美當然好啦!」

見異思遷

小馨話:「我身邊啲女性朋友,個個身材都十分火爆,條事業線既長且深,我同佢哋一比,真係相差一大截,雖然我都可以加啲道具整條深溝出嚟,但我覺得太假!所以我一直都冇咁做,自己乳溝天生係點樣嘅,就保持點樣,但你咪理,我啲男朋友數目,一啲都唔輸蝕畀佢哋,而且我啲男朋友,個個都真心對我,唔似啲巨乳型姊妹,啲追求者只想擁有佢哋嘅身體,而當一滿足到佢哋嘅慾望後,唔係拍吓個籮柚走人,就係見異思遷,相反,我啲男朋友跟我一齊最少都兩三年,唔係因為工作要分隔兩地,佢哋都唔想同我分手,我都問過佢哋,點解對我咁迷戀?佢哋話女朋友唔使胸大嘅,有時反而自然大小仲正,而且有時胸部太大,親熱時會搞到眼都花,咁就唔好啦!」

壓力好大

除咗親熱時有影響外,仲有冇其他問題呢?小馨話:「當然有!我啲男朋友話,你帶個巨乳女友出街,街上路人都會望到實一實,起初係就係幾威,但日子一久就會好唔習慣自己嘅女友畀人喪(目及),相反,你帶個自然美嘅女友出街,只要打扮得體,一樣會有艷羨目光,但就肯定冇色迷迷嘅眼神。另外,自己女朋友嘅胸部太大,做男友嘅壓力都會好大,因為你唔喺佢身邊時,你總會擔心佢會唔會畀其他男士搭訕,又或者會唔會畀人手多多,毛手毛腳,總之做男友有時仲擔心過女友自己,真係唔好受,所以我呢種天然美嘅靚女大把人爭住要,奉勸姊妹們亦唔使介意自己胸部嘅大小,過大有時未必係好事,小巧有時反而會更加幸福!」

小馨Profile  

年齡:21歲

三圍:33-23-34

撰文:小德

攝影:阿昌