政情：孫中山後人推廣中國文化

夥拍青聯黃夢瑩

Monin話，明年四月喺香港舉行家族企業論壇，到時有好多包括來自南洋嘅老牌家族後人來港分享刻苦耐勞嘅精神，而孫中山家族第四代後人孫雅麗（Alexandra）亦係嘉賓之一，齊為社會灌輸正能量。

早前Monin同Alexandra相約茶敍，講起現今中國文化被漠視同感可惜，尤其係時下年輕人缺乏人生方向，所以要引導佢哋將精力放喺有意義嘅事。

從事電影文化工作嘅Alexandra係孫中山嘅曾姪孫，自細香港長大，佢話正積極籌備成立孫中山文化基金會。佢話，現今中國文化及道德價值面臨很多問題，希望將孫中山作為凝聚兩岸三地嘅一個旗幟或品牌，為下一代盡一分力。