厚顏叫人憑良心發聲
不過，估唔到佢連原自由黨黨魁田北俊（田少）被褫奪全國政協委員資格都要抽一抽水，尋日特登發新聞稿鼓勵田少拎出勇氣繼續為港人發聲喎，莫非佢真係不甘寂寞到咁嘅程度？
被人吹噓為「香港良心」嘅民主阿婆，於新聞稿中大言不慚地談到「良心」，聲言田少嘅言論係基於香港實際處境，「憑良心說出大多數香港人心中說話」，盡身為政協同議員嘅言責，重申言論自由不應受到威脅，鼓勵田少繼續為港人發聲。
其實民主阿婆撫心自問，佢以前做高官時有冇憑良心講出大多數香港人心中嘅說話呢？又有冇為港人爭取民主發聲呢？如果有就唔會被批評「忽然民主」啦！