早前有指單車賽原本分為專業組及業餘組賽事，前者會圍繞中環海濱嘅龍和道至民耀街作賽，後者從中環龍和道，經西隧、青馬大橋再折返中環。據悉旅發局原定於十一月公布詳情，吸引埋剛參加環北京公路計分賽嘅國際選手參賽，預料參加人數達數千人。不過，依家撞正佔領行動，據聞賽事要延至明年舉行，一眾單車發燒友喺中環鬧市嘅「鬥車夢」，頃刻變成泡影。
盛事接二連三受影響
有大型盛事因佔領行動要變更舉辦地點或日期非首次，上次係香港美酒佳餚巡禮，由原定於中環海濱移師至啟德郵輪碼頭對外空地舉行，今次單車公路賽更胎死腹中。旅發局短時間內接連受影響，真係黑過墨斗。