瞓街婦哭愧對家人
【本報訊】佔領行動變「持久戰」，以街頭為家的佔領者，亦要面對家庭的「撤離」壓力。前晚在佔旺區街頭上演的老父求女歸家爭執事件女主角，正是廿五歲單親媽、佔旺女甄巧儀。對於被老父痛斥瞓街一個月棄歲半兒子不顧，搞到老父「踩場」拉她回家，甄巧儀昨講到「佔事」和家事時，一時感觸落淚，她稱對不起家人，但她選擇堅持下去。
單親媽擱下工作 一度帶署
現年廿五歲的甄女為兼職侍應生，是單親母親，兒子一歲半。上月三十日開始，她拋下家庭和放棄工作，成為佔旺者，幾乎日日與反佔者爆罵戰和爭執，曾被帶返警署，又扮「殭屍跳」，言行「出位」。其父親多次到旺角勸她回家都被拒。前晚七時許，甄父再抵佔旺區尋女，兩人在街頭爭執，擾攘一番後，甄女伺機「逃去」，其父無功而回，氣得一頭煙。
甄女昨日講到事件，一時感觸流淚：「我首先要同阿爸、阿媽、個仔同阿哥講聲『對唔住！』自己通宵留守，忽略對個仔嘅照顧，令家人好擔心，佢哋驚我畀人拉，因為我係單親媽媽，佢哋驚我出事，個仔就冇人照顧，唔通個仔變孤兒咩？對於家人發火，我完全明白。」她稱在佔旺區內，找到自己的生存價值和意義。
