遊樂場修葺 逾期竣工
「寫住八月尾完工，唔係已經係一個承諾咩？」家住長洲的張太不時攜同子女到賽馬會東灣兒童遊樂場遊玩，直指遊樂場早前因工程而令活動空間大減，近日更發現工期無故延長，「依家遲咗成個幾星期都未完工、仲係畀鐵欄圍住，搞到啲細路冇地方玩。」
康文署未解釋原因
康樂及文化事務署發言人指，有關工程於今年六月起分階段展開，包括更換已損壞圍欄，涉款約六十萬元。發言人承認進度較預期慢，已要求承建商加快並於九月初完工，設施重新開放。
不過，張太卻反駁康文署的回應不盡不實，「明明九月中都仲做緊工程，月尾先開番個公園，康文署有乜理由亂答！」張太要求康文署及早檢討事件，並加強監察承辦商，確保工程如期完成。