泛民主派近日在立法會發起不合作運動，尋日又因為不滿主席臨時取消大會，齊齊遊行去禮賓府抗議。就喺泛民出發前，我哋發現白鴿黨議員單仲偕換咗新電話套，但個電話套外形似足一個粉紫色手袋，擺明係女士專用產品。被問到點解會用乸型嘅電話套，單仲偕就似乎無乜所謂，話貿發局早前向工商事務委員會委員送出自家製作嘅電話套，咁啱佢個電話套又爛咗，所以咪攞嗰手袋型電話套頂住先囉！
李惠攝
