政情：鄭承隆創綠絲帶

仁濟醫院前主席鄭承隆（Edwin）自從月初要求退出新民黨，雖然未獲該黨回覆係咪獲批退黨，但Edwin前晚率先有新搞作，上載一張「綠絲帶」圖片，有別於網上連日出現嘅黃、藍絲帶。Edwin解釋，藍絲帶支持警方執行合法指令，黃絲帶支持年輕人獨立思考、和平表達訴求，但兩者出現令香港陷入分裂，若果港人想政改「開綠燈」，只要將黃溝藍就會變綠色，希望雙方係時候向前行咁話。不過，身兼獨立監察警方處理投訴委員會（監警會）成員嘅Edwin，早兩日去過政府總部附近視察，就因為「佔領中環」行動搞到寸步難行喇！