渡海濠情:車震選址 禁忌要知

湛江有男子發現老婆紅杏出牆,但一直都搵唔到證據,未能捉姦在床,近日終於畀佢發現到老婆同奸夫車震,將全裸奸夫捉去派出所法辦,嚟自凱旋桑拿嘅小悅就話:「揀車震地方真係要小心!」

蚊叮蟲咬

小悅話:「由於唔喜歡走路,所以揀親男朋友都要佢哋有架私家車,車震嘅機會亦大大提升,所以論車震經驗,我絕對夠晒豐富,起初一兩次,真係令人好反感,因為大家都冇車震嘅經驗,所以乸手唔成勢,咁做又唔啱,咁做又唔得,後嚟慢慢熟習咗,反而覺得幾好玩,後嚟交到啲新男朋友,都係由我嚟教佢哋點樣第一次車震。未講有乜嘢技巧之前,先要教大家選擇車震嘅位置,好多人都會揀喺荒郊野嶺,但小心夏天時蚊蟲會特別多,就算你將啲車窗關晒都好,啲蚊都有辦法飛入嚟叮你,有時有啲大型動作,要開門伸啲手腳出去時,更係要小心,我男朋友試過三分鐘唔使,就被蚊叮咗四十多口,真係慘不忍睹!」

手掣要好

除咗小心蚊蟲之外,仲要小心乜嘢呢?小悅話:「當然要小心被人發現啦!因為去過郊外車震嘅朋友就明白,一來真係蚊蟲太多,二來車程又遠,三來如果去啲車震勝地,就會容易被人偷拍或者打劫,所以大家試過一兩次野外車震之後,就會開始選擇一啲近市區嘅僻靜位嚟行事,人係少啲,但話晒都喺市區,點僻靜都會有人經過,但城市人有樣好,就算見到你車震緊都好少會停落嚟做觀眾,但萬一遇上呢啲情況,建議你馬上離開,千萬咪繼續落去,因為佢可能攞手機出嚟拍低或者通知其他人嚟觀看,總之掃興就掃興,先撤走絕對係最為合適。另外,好多時都會泊車喺山路斜坡,你男朋友架車嘅手掣,真係要掂先好,勿因用力過猛,而令車衝落斜坡,咁就大件事啦!」

小悅Profile

年齡:21歲

三圍:34-23-34

撰文:小德 

攝影:阿昌