政情：周國豐帶老外朋友睇示威
佔領中環行動成為國際新聞，萬人空巷佔據鬧市街道的奇景，連路過香江嘅外國人都大為好奇。經營床褥生意的社交名人周國豐（Brandon）尋日下午四點幾鐘現身中環置地廣場，見佢交疊雙手在身後，神態輕鬆地與身旁的外籍朋友行街。兩人未有行入店舖，購物意欲似乎唔強。
出街遇大塞車
Brandon直言行街係為公事，事關佢老友來自英國，經營時裝生意，來到購物天堂，無理由唔取吓經。撞啱香港近日發起佔中行動，示威烽煙四起，Brandon都將件事如實告知，又帶佢睇吓示威人潮有幾大陣仗。不過，Brandon強調，佢對佔中立場中立，無意偏幫任何一派人士，但示威浪潮導致好多路段大塞車，令佢下午由南區屋企去中環時都中招，佢期望佔中和平解決，香港盡快回復平靜。