許仕仁認有誠信問題

上午收錢 下午宣誓就職

主控官David Perry一開始便向許仕仁指出，許在○五年六月卅日就任政務司司長前三天，還在不斷收取來自新地郭氏的大額款項，最後一筆更是在宣誓就任當天早上才存入其戶口，總數八百五十萬元，Perry指許從未向政府及全港巿民交代過這筆巨款。許對此直認不諱，但強調是他上任前工作的報酬一部分，「當時同依家我都唔覺得有問題」，「係人都知」他之前跟新地工作。

但Perry指，許上任時曾被記者問他關於顧問工作的詳情，但許沒講出全部真相，便是向記者說謊，且誤導公眾。許承認當時記者問他在新地是否年薪過千萬，他確只回應：「有冇咁多呀？」而未講出從新地收到的全部酬勞。但許強調是基於郭炳江要求才會秘密收款，且跟他履行司長的職責是兩碼子事。

Perry又提到，許仕仁上任司長時已向稅局隱瞞真正收入，即使在位期間再填報稅表，亦無如實申報。許承認，稅局的事令他在考慮是否接受司長一職時有一刻猶豫，但之後想到：「自己確係做咗啲唔對嘅事，不過我覺得係可以同我履行公職分得開嘅，我做司長時嘅行事先最重要。」遂決定接受任命。Perry直問他：「公職人員處事唔係要有透明度同無秘密咩？」許回應：「秘密嘅嘢人人都有，如果牽涉到執行職務就梗係唔啱啦！」

認同收賄是公僕搵錢之一

Perry續指，許需要錢維持其生活方式，公職人員其中一個搵錢方法便是收賄。許認同此說法，但強烈否認自己收賄：「絕對沒有，我需要錢係事實，但我唔會做犯法嘅事去搵錢。」Perry即重提許隱瞞稅局一事：「你當然唔可以向稅局申報你收咗嘅賄款啦！」但許亦不相讓：「你嘅說法係賄款就要秘密唔畀得人知，咁收現金咪仲保密！」

Perry更揶揄許仕仁任司長期間，申報收過花籃月餅杧果等禮物，卻沒有公開收取地產商八百五十萬元，還問他：「你認為公眾有興趣知你收杧果多啲定係八百五十萬元多啲呢？」許回應：「如果經過傳媒報道，就梗係八百五十萬元吸引力大啦！」

案件編號：HCCC 98/2013