女職員：好大攤血，腸都流出嚟！
【本報訊】刀手在午飯時間血洗食肆，員工食客「嚇餐飽」逃命！發生斬人案的生龍清湯腩餐廳，因地處旺區，案發時人流漸多。有職員透露，兩名男子入店時並無異樣，坐着聊天，但十多分鐘後，其中一人突變臉，揮刀狂劈另一人，有食客目擊兇案，大嗌「報警、殺人啊！」紛紛逃離食肆，職員慌張查究時，已發現其中一男浴血倒地，一時間嚇至目瞪口呆，立即由後門逃走，有人仍驚魂未定，得知兩男是兄弟關係時，更表示難以置信。
「親兄弟都咁狼死」
該食肆的部分職員事後留在現場協助警方調查，有女職員憶述血案時仍心有餘悸。據她們透露，事發前死者及疑兇一同走入店內，坐在一張卡位，點了兩杯咖啡，「佢哋兩個一齊入嚟食嘢，傾傾吓偈就斬人啦！」有食客大嗌：「打三條九呀！殺人呀！有人殺人呀！」有女職員立即走至店面查看，發現一名男子倒臥地上，被斬至皮開肉綻，「地下好大攤鮮血呀！腸都流出嚟！」有員工驚惶不已，經由後門逃至後巷，有人手中仍拿着點菜紙，而十多名食客則由前門離開，部分人尚未埋單，「講殺人都驚啦！仲點敢睇！」另外，有員工指，由新聞得知兩男的關係更感吃驚，「唔係啩？親兄弟都咁狼死！」
餐廳的太子女伍小姐表示，受事件影響，食肆暫無法開門做生意，相信損失約萬多元，而店內的牛腩需運走雪藏，以防變壞。五、六名員工目擊兇案發生後，雖然已即時衝出店外暫避，但受驚過度，暫不敢返回店內工作。