社民連立法會議員梁國雄（長毛）喺一一年衝擊遞補機制公眾論壇，被法庭裁定在公眾地方作出擾亂秩序行為罪名成立，今年六月被判即時入獄四星期，入冊時被懲教署職員剪走長髮，搞到佢「長毛」變「短毛」。事隔數月，長毛尋日入稟高等法院，就剪短髮一事申請司法覆核，話自己在極度唔情願之下被人剪走長髮，嚴重損害個人尊嚴喎。犯事入獄都仲要講個人尊嚴，唔知使唔使訂間酒店總統套房畀佢入住，兼夾請個髮型師幫佢修靚啲長毛呢？
