渡海濠情：光豬騷 索價千萬
美國有個真人騷節目，請咗班男女喺荒島過幾日，睇吓佢哋點樣搵對象，但就要全部人一絲不掛，並聲明節目出街時會遮上格仔，但播出時竟有人冇遮，該名參加者於是索償一千萬美元，而嚟自利澳水療嘅東東就話：「早知我都去參加啦！」
獎品吸引
東東話：「我喺老家都睇過呢啲愛情速配節目，覺得佢哋揀嘅男仔，有啲都幾靚仔，而且條件唔錯，唔係小老闆就係專業人士，好多都係筍盤，但全都有個問題，就係一見到靚女就會手騰腳震，跟住詞不達意，我見好多筍盤最後都係畀啲夠主動嘅囡囡搶到手，但又唔係單靠主動，你要耍少少手段，例如不時請教吓佢，不時要佢幫手完成任務呀！男仔覺得你又夠主動，又小鳥依人，佢哋最後都會票選你做心水情人。但搵唔搵到男朋友，其實都係其次，因為呢啲節目嘅獎品實在太吸引，我唔知美國呢個節目有乜獎品，但如果叫得你一絲不掛，冇理由玩幾日，只攞得保健食品或者美容產品一盒半盒咁簡單，所以有機會我一定第一個參加！」
希望走光
你唔怕光脫脫，畀人睇蝕咩？東東話：「我平時都唔喜歡着衫，一返到屋企，就會剝晒衫褲剝晒鞋，就算去海灘游水，我有時落到水都會剝咗件泳衣嚟游，游到夠返上岸時先至再着番，記得有次游到好出，見太陽唔錯，於是咪扮浮屍囉！點知一浮起，附近划船嘅泳客個個划過嚟睇嘢，當我再睜開眼，嘩！五、六艘橡皮艇圍住我，我即時破口大罵佢哋，之後就游番埋岸，所以剝衫對我嚟講可以話完全冇難度，而且佢哋話明打格仔，但據我知道節目中男男女女要玩好多遊戲，仲要走嚟走去，格仔嘅嘢，邊遮得住，真係遮得頭嚟腳又現，到時只要一出咗街，我仲唔勁屈佢哋一筆，一千萬美金太多啦！一千萬人仔我就心滿意足啦！所以有人識得個電視台，不妨介紹一下喎！」
東東Profile
年齡：21歲
三圍：34.5-24-34
撰文：小德
攝影：阿程