政情：楊大偉：便服上班慳電費
社會愈來愈重視環保，衣食住行樣樣都要低碳，減低對環境嘅破壞。將「無綠不歡星期一」推行得有聲有色的環保社企Green Monday創辦人楊大偉（David），日前出席「香港綠色建築週2014」時話，飲食係綠色生活中好重要嘅一環，而一幢建築物如果有很好嘅結構，能妥善運用天然光及自然風等資源，加上大廈內的人互相配合，養成慳電慳水嘅良好習慣，綠色生活嘅概念就更完整喇。
至於上班族於辦公室內點樣可以更環保？David就話，依家天氣咁熱，香港其實可以效法外國，接受員工在夏天穿得輕便一點，好似日本及美國人咁，其實已經接受夏天返工不用打呔及穿西裝外套嘅習慣，咁就可以慳番唔少開冷氣嘅電費。不過，穿便服上班需要慢慢適應嘅，佢有時見到商場冷氣開到二十一度，女士頂唔順就個個着晒外套，唔單止嘥電，一出室外仲一冷一熱，睇見都辛苦。