Felix在去年賽事中以不足三十八分鐘游畢全程，被冠以「立法會飛魚」美譽。不過，呢條飛魚就因為要飛去外國傾生意，搞到無得參加今年賽事，佢都覺得好可惜。星爺就因為比賽日子貼近港區人大考察團而決定唔參加，話自己平時都有喺泳池練水，無得參加都唔會覺得遺憾。
由於今年大會規定參加優悠組賽事嘅泳手必須穿着救生衣，Kenneth透露自己因為唔想變「烏龜」而決定參加計時賽事，同繼續參加優悠組嘅馬逢國同胡志偉分道揚鑣。雖然馬逢國同胡志偉去年無乜點練水就去比賽，但佢哋話今年照舊唔得閒練水，相信唔練水都唔會有事喎。