休憩處上蓋 未能遮陽光
在葵芳邨葵健樓對出設有休憩處，惟被指僅設透明上蓋，未達遮光之效。「嗰度有櫈有上蓋，畀人坐吓原本都幾好，但就完全遮唔到陽光，搞到咁曬，咁樣嘅設計真係差！」
物管：只為擋雨
葵芳邨物業服務辦事處發言人表示，上址長椅的上蓋設有蔓棚，部分採用透明材料。上蓋的原有設計僅為擋雨之用。辦事處會繼續留意居民的意見及需要，有需要時會予以適當跟進。
「遮雨遮陽光係上蓋最基本作用，只可以擋雨，真係唔夠實際！」陳先生希望屋邨辦事處考慮居民需要，為休憩處改設可同時遮擋陽光和雨水的上蓋，方便居民使用有關設施。