渡海濠情：女多男少 結婚貼大床

撮合好事

嘉嘉話：「我老家有個鄰居嘅大姐姐，喺佢36歲嗰年都冇人要，於是出重嫁妝，希望盡快嫁得出，據講佢打工多年，積蓄都有30萬元現金，佢二話不說就攞晒出嚟做嫁妝，而佢父母就送鄉間兩層高大屋一間，仲包埋全屋傢俬電器，但都搞咗兩年，到佢38歲至有人嚟相親，最後呢位大姐姐當然即時答應啦！講真呢位大姐姐樣子唔差，上圍更有36吋，做事又勤力，又有孝心，但就係冇人吼，原因就係成條村，甚至附近幾條村都冇晒壯丁，啲男人唔係小朋友，就係60歲以上老人家，所以佢一直嫁杏無期，好彩後嚟有個喺外地打工嘅中年男人，因為搵到啲錢，希望落葉歸根，返老家照顧老人家，先至無意中撮合好事！」

安枕無憂

如果你嫁唔出，又會唔會貼大床呢？嘉嘉話：「傻嘅！我點會嫁唔出呀！我唔肯嫁咋，同我拍親拖嘅男朋友，個個都話一定要娶我為妻，我當時話自己年紀太細，想玩多幾年至嫁，如果唔係早就嫁咗啦！我覺得自己最適合喺廿七、八歲嘅時候結婚，距離呢個年齡仲有八年咁多，真係有排玩，而且最關鍵係啲男朋友，佢哋家陣只得廿零歲，真係除咗玩之外乜都唔識，得把口話會照顧你，家陣就嫁畀佢哋， 一定會離婚收場，但等到啲男友有得廿七、八歲，甚至更大年紀，佢哋開始成熟唔會再掛住玩，日日專心工作，到時我就做少奶奶，可以安枕無憂，所以我要嫁，點會貼大床呀！個男朋友冇錢冇本事，我情願唔嫁呀！嫁畀佢要捱苦甚至要我養埋佢，我真係接受唔到囉！我一定唔會咁做！」

嘉嘉Profile　　

年齡：20歲

三圍：35-34-45

撰文：小德

攝影：阿程