政情：公民講場：訪肥佬黎李漢奸 港台為誰發聲？

香港電台作為使公帑嘅公營廣播機構，經常批評政府嘅作風備受爭議，話口未完，全國人大常委會公布政改框架前後，有人就發現港台車輪轉訪問泛民主派人士，特別係訪問人稱「搞事四人幫」嘅成員。好似上周廉政公署就政治捐款醜聞到壹傳媒老闆肥佬黎寓所搜查當日，港台電視節目《星期六主場》就登門造訪畀肥佬黎解釋；前日電台又訪問外號「李漢奸」嘅民主黨創黨主席李柱銘，唔知下個受訪者會唔會輪到「民主阿婆」陳方安生呢？凡此舉動難免令人質疑港台有意為呢班人搭建發聲平台。睇嚟港台都要訪問多幾個建制派人士平衡番，否則上述疑慮只會愈來愈深。