政情：今日你上鏡：與霍震宇茶敍 鍾南山話當年

因沙士一役而聲名大噪嘅廣州呼吸疾病研究所前所長鍾南山，尋日下午大約四點鐘現身灣仔一間酒店咖啡室，細心一看，同佢一齊歎茶嘅係已故全國政協副主席霍英東三子霍震宇。點解兩人會相約茶敍？鍾南山話，霍英東曾捐二千萬元畀研究所建立重症加護室（即ICU），咁啱ICU於○二年十一月底完工，十二月廣州即開始出現沙士病例，ICU即時大派用場，所以先可以咁快喺翌年五月控制疫情。佢諗起都覺得霍英東好有遠見，所以尋日一來港就同霍震宇約埋閒談。今日鍾將出席中醫藥研討會，之後轉飛德國。