泛民立法會議員尋日趁全國人大常委會副秘書長李飛喺亞洲博覽館出席政改簡介會期間示威，抗議中央政府提出高門檻特首選舉方案。民建聯主席譚耀宗會後批評，泛民喺場內抗議，無助推動普選，呼籲泛民應冷靜面對，支持人大常委會嘅政改決定。不過泛民主派喺政改框架公布後，表現十分激憤，想要佢哋冷靜，譚耀宗不如趁淋冰桶熱潮未退，點名班泛民齊齊淋冰水？
