渡海濠情：太過主動嚇親另一半
英國有位女士正準備下嫁喺美國讀書時認識嘅男朋友，但有天收到一名自稱是男朋友父親嘅電話，報稱兒子交通意外喪生，新娘痛不欲生，後來得知只係為咗逃婚講嘅大話，嚟自澳門龍會嘅海珊就話：「寧死都唔肯結婚！」
婚前分手
海珊話：「我咁後生，只要我話要嫁，大把人爭住娶我，但我一個表姐，幾年前就真係發生咗單類似嘅事件，話說佢去旅遊時識咗個男仔，返嚟之後成日見面，之後仲拍埋拖，起初非常甜蜜，兩個人仲呢度去嗰度去，一年唔夠仲話要結婚添，我哋做親戚嘅當然戥佢高興，因為當其時表姐都已經三十幾歲，有人要佢仲唔把握機會咩？唔知係咪表姐表現過於主動，所以令佢男友壓力大增，起初兩口子仲一齊辦婚禮嘅事，但慢慢男友玩失蹤，警號係影婚紗相嗰日，我咁清楚，因為嗰日我都有份做伴娘，我哋等咗佢成日，佢都冇嚟，最後解釋話公司臨時有嘢做，我已經覺得唔妥，但表姐處之泰然，以為一切盡在自己掌握之中，到咗結婚前三日，佢男朋友真係再頂唔住提出同我表姐分手！」
全力配合
咁你個表姐咪發晒癲？海珊話：「呢層仲使講，即時衝上佢屋企，上到去已經人去樓空，起初我哋仲擔心佢係咪被愛情騙子騙咗，好彩佢話男朋友畀咗成十萬蚊佢籌備婚禮，自己花嘅錢有限，所以斷定表姐男友係患咗婚前恐懼症，但好似美國呢個男仔玩到扮死，咁就太過分啦！所以我吸收咗咁多經驗，到我結婚時，我一於乜都唔理，老公識搞嘅就搞晒佢，唔識搞嘅就出錢請人搞，我只係到時帶個軀殼出現就可以，免得佢哋以為我好想嫁，又搞到佢哋有乜嘢恐懼症就唔好啦！好似想同男朋友親熱時，我都唔會主動，我只會床頭放一安全套，如果佢打開佢，我就會全力配合，但如果佢放回櫃桶，咁我會疊埋心水瞓覺，咁大家都冇壓力，不知幾咁好，所以喜歡主動嘅朋友不妨凡事都忍一下。」
海珊Profile
年齡：21歲
三圍：34-23-34
撰文：小德
攝影：阿程