政情:今日你上鏡:華哥「休」閒遊塔門

尋日係全港學校開學日,學生哥收拾心情重返校園,不過喺鐘錶界工作三十幾年的香港鐘表業總會前主席梁青華(華哥)就開始放悠長大假,事關佢喺上個月底卸下喜運佳鐘錶常務董事的職務,正式退休。

啱啱過去的星期日係退休人生第一日,華哥心情靚靚帶華嫂及兩隻愛犬去塔門玩。位於赤門海峽吐露港以北的塔門被郊野公園圍繞,島上以綠草、奇石及不時漫步食草的黃牛聞名,華哥一行人都遇到十幾隻牛牛,其中一隻體形較細的愛犬Kiki嚇到係咁吠,另一隻拉布拉多退休警犬Connie就好淡定,見過世面唔同啲。

第一手消息請下載on.cc東網iPhone/iPad/Android/Windows Phone Apps