無名英雄榮叔 腸癌待援

六十三歲的榮叔去年十月因下腹劇痛到醫院求診，赫然發現已患有第四期結腸癌，「我唔食煙，酒都唔係成日飲，仲成日做運動，初初肚痛以為只係腸胃炎，冇諗過會有呢個病。」榮叔經醫生建議下進行手術切除部分腸臟，惜癌細胞已擴散至肝臟，「醫生話之前隻藥已經控制唔到啲癌細胞，所以要轉新藥，但新藥要差唔多兩萬蚊一支，我已經用晒啲積蓄打咗兩針，但仲差成十幾萬。」

榮叔原任職保安員，年輕時曾參與志願服務團體逾三十載，負責行山巡邏，亦會撲滅山火，為社會上的無名英雄。「以前大大小小都至少幾十次撲滅山火，仲有嗰時大澳道山泥傾瀉，我一放工就去剷泥，之後返屋企沖完涼瞓兩個鐘又再返工，就係咁剷咗幾日。」長期於山中巡邏亦令榮叔愛上行山，「以前行大東山都冇問題，不過依家每幾個鐘就要清理便袋，所以都只可以喺屋企附近行吓。」

自強望續貢獻社會

現時榮叔身患惡疾，每次注射針藥後容易感到疲倦，惟心裏仍有一團火希望能為社會貢獻，故一直積極接受治療，閒時亦會按身體狀況做運動，希望保持身心健康，「我希望好番可以做吓義工，幫吓其他人，不過依家最頭痛係啲針藥費，所以希望有善長可以幫吓我。」

醫管局發言人證實，病人患有第四期結腸癌及出現肝轉移，去年接受手術切除直腸腫瘤。今年三月發現病人有惡化迹象，建議病人接受紓緩性化療及每三星期注射一次自費藥物「貝伐單抗」（Avastin），為期十次，每次費用約一萬九千四百元，最終注射次數則需按臨床情況而定，若病人未有注射自費藥物，只可繼續進行紓緩性化療，有機會未能有效控制癌細胞發展和生長。

捐款編號：12577

記者：詹海萍、呂耀焜