渡海濠情：表現矚目 女生注目
最近有調查，辦公室女性對乜嘢類型嘅男同事最感興趣，原來唔一定係大老闆或者帥哥，只要你喺公司表現矚目，就大有機會獲得青睞，嚟自富城會嘅小莉就話：「呢啲男同事，我自己就最欣賞！」
大獻殷勤
小莉話：「我啱啱出嚟做嘢嘅時候，入到公司乜都唔識，公司有個總務部嘅男同事，大約廿零歲，樣子只係一般，但佢一天內，又送筆、又送紙，又教我用電腦，又教我用影印機，之後午飯時仲拉咗成班同事話同我一齊食飯，我不知幾咁開心，之後仲教咗我好多嘢，連入女廁用邊格都教埋我，我對佢不知幾感激，之後遇上大小事情我都走去問佢，佢又好好心機咁逐一教我，大家嘅關係真係一日千里，之後以為我哋會談戀愛，甚至唔談戀愛就上床，點知個零月後又有新同事入嚟，佢又走去噓寒問暖，做咗人哋嘅觀音兵，原來呢條友仔有鋪咁嘅癮，喺新同事面前大獻殷勤，成為最矚目嘅人，講真佢又唔高級又唔靚仔，但係就不斷吸引你嘅目光，我都差啲被佢俘虜。」
撞板大王
咁女生喺辦公室嘅愛情攻略又應該點呢？小莉話：「女生喺辦公室嘅攻略，我個人認為愈低調愈好，一般高調嘅女高層或者女秘書，十居其九都嫁唔出，因為男同事覺得你高高在上，相反你愈低調，愈做唔到嘢咁樣，反而最受人歡迎，因為男同事覺得你冇料得，有時做少少嘢都要佢哋幫手，佢哋反而滿足感大增，就算一邊教訓你，但都會一邊幫你手，而且呢啲女同事，經常都會同時吸引好幾個男同事一齊追佢，有時不乏高層靚仔，因為佢哋唔敢向上挑戰，反而搵個聽聽話話冇乜殺傷力，就最啱佢哋嘅口味，所以姊妹們喺大公司老虎都要扮低調，咁就包你有運行，就算係高層或女秘書，不妨做吓撞板大王，因為你愈精明，你嫁出嘅機會就會大減。」
小莉Profile
年齡：22歲
三圍：34-24-25
撰文：小德
攝影：阿昌