東涌近年成為市民騎單車的熱點，惟單車徑規劃欠佳，「單車徑路窄，仲要同行人、跑步人士及遛狗人士爭路。」Erik Chan認為，政府視單車為悠閒活動，從未正視其為交通工具，致使單車徑的規劃一直未如理想。
「有時三項鐵人中嘅單車訓練都要揀比較偏遠、避開單車徑嘅地方進行，一來單車徑車速有限制，而且斷開一截截，好難喺單車徑完成所有訓練。」Andy Lam表示，騎單車人士遇上「斷橛禾蟲」的單車徑，在確保四周安全後，多會選擇直接踩過，卻有機會被票控。
多名離島區議員多年來向運輸署反映單車徑設計缺陷問題，卻遭「歎慢板」，無實際行動，「翔東路經常發生交通意外，但又唔起單車徑，運輸署一直都話研究，但就猶豫不決。」離島區議員鄧家彪批評，區內單車徑極為不便，部分公共設施有單車停泊位，但無單車徑直達，認真荒謬。