渡海濠情：豐胸產品小心選擇
內地有購物網站做咗個豐胸用品嘅調查，發現廣東囡囡一個月就有六萬人採購豐胸用品，而第二同第三位就係江蘇、浙江等地，分別係四萬人同二萬人，嚟自凱旋桑拿嘅美女思思就話：「我都買唔少，邊個唔想大啲！」
平平無奇
思思話：「我記得啱啱畢業出嚟做嘢嘅時候，買胸圍時嘅尺碼，只得31吋，真係細到不得了，後嚟搵極工都搵唔到，加上跟咗我三年嘅男朋友，更因為搵咗個34吋胸嘅囡囡而飛咗我，於是我痛定思痛，決定努力豐胸，最初當然係喺胸圍度做手腳，用成千蚊買啲神奇胸圍，令平平無奇奇嘅胸脯，變為漸有起色，咁先至搵到工做咋！自此每個月賺返嚟嘅錢，除咗用喺基本開支上面，就全部花晒喺買豐胸產品上面，經過一番努力，終於由小湯圓變為小饅頭！」
男友多咗
豐胸後對實際生活有冇改變呀？思思話：「我搵工容易咗好多，而且工作亦愈嚟愈冇咁辛苦，最重要係男朋友不斷喺我身邊出現，家陣啲男友仲多到可以畀我揀，唔靚仔唔夠有錢嘅，埋都埋唔到我身邊，所以花咗唔少錢落去，都係值得嘅，至於買咗啲乜嘢？真係數都數唔晒，內服外敷，乜都有齊，至於牌子就無謂同佢賣廣告，總之有啲有效，有啲就係純心理安慰，要買時真係要小心選擇！」
思思Profile
年齡：20歲
三圍：34-23-34
撰文：小德
攝影：阿俊