政情：公民講場：講政改硬推李卓人「朝」慮

立法會議員李卓人（阿人）尋日同中聯辦主任張曉明會面討論政改時，批評港府硬推政改，淨係講一人一票，而絕口不提提名委員會嘅篩選功能，意圖攞假普選嚟魚目混珠，又話北韓都係一人一票選舉云云，即係話香港唔應該要「北韓式」嘅一人一票選舉。阿人用到北韓嚟形容香港政改，確係誇張兼極端，莫非佢預期香港政制會衰過北韓？如果香港真係變成北韓，相信佢都表達唔到咁多意見，事關輕則勞改，重則犬決。