高超道違泊嚴重 逼越線行車
「每逢夜晚附近就有好多車輛違泊，啲泥頭車仲會霸咗半條行車線，後面啲車成日都要騎住對面線過，真係好牙煙！」家住油塘高怡邨的鄺先生指，高超道違泊情況嚴重，擔心有礙道路使用者安全。
警方發言人稱，根據紀錄，過去四個月共向違例者發出三十六張告票，強調接獲轉介後已即時派員巡查，承諾會密切留意情況及採取相應執法行動。
視野不清 易出意外
不過，鄺先生直言涉事路段違泊情況仍未改善，「夜晚視野冇日頭咁好，警方又唔做嘢，啲司機惟有越線過車，遲早出事！」鄺先生要求警方持續留意街道違泊情況，保障道路使用者安全。