渡海濠情：命根縱大 不及床技重要

男人心理

早前國際美容整形外科學會就做咗個調查，表示喺2013年全球有15,414宗兵器增大手術，當中德國就有2,786宗，佔總手術數約五分之一。不過學會就表示咁唔代表德國男士兵器「嘥士」唔夠大，而係說明佢哋特別多人希望自己嘅兵器變得更大。小伊聞言就話：「其實撇開德國男士嘅諗法，單係一年就有成萬幾宗增大手術，呢個數量已經夠勁！不過話說回來，咁多男人想令兵器變大一啲都唔奇，事關從古至今，男士都好重視兵器嘅大細，若然見到人哋嘅兵器比佢大嘅話，心理就會覺得好似好輸蝕同唔夠吸引力，縱然家陣有性學家話兵器大細同女性高潮冇直接關係，但男人始終都係改變唔到一直以嚟嘅諗法，咁就難怪全球有咁多宗兵器增大手術。」

技術搭夠

小伊講得都好啱，事實上唔少性學家都指出，只要兵器嘅硬直長度超過兩吋就可以令女伴有快感，而呢個尺寸相信唔少男士都可以達到。小伊點頭話：「其實與其花錢同花心思追求兵器嘅大細，倒不如花多啲時間去了解女性嘅心理同生理，配合埋適合嘅床技，自然可以令女伴有高潮迭起嘅快感。」小伊言下之意即係冇乜必要掛住點令兵器變得粗大？小伊表示：「事實確係如此。男士只要能夠揣摩到女性床上心理，並且稍為了解女性敏感帶嘅話，就可以燃起女伴嘅慾火，跟住再善用唔同嘅技巧，好似指尖、手掌、舌頭等部位嚟挑逗女伴嘅敏感帶，就算未進入正題已能讓女伴有相當嘅快感，到時再嚟個強力衝刺，女伴到達高潮就話都冇咁易啦。」

小伊Profile　　

身高：5呎3吋

三圍：34、24、34

撰文：魂　

攝影：俊