政情：公民講場：梁國權「自信」港鐵「加班」唔爆煲

港鐵新任署理行政總裁梁國權尋日履新，佢喺會見傳媒時，強調上任後嘅首要工作，就係全力做好五條新鐵路線嘅興建工作。佢又預告，港鐵會喺本月底起，喺現有六條港鐵線每周增加六百班列車，以改善對乘客嘅服務。問及現有鐵路線嘅班次已不時延誤，再加重負荷會否爆煲收場，引發更多延誤？梁國權就拍心口話今次增加班次，係喺系統能力範圍之內喎。其實港鐵依家面對嘅最大問題唔係列車班次太少，而係來自本地同內地嘅乘客太多，鐵路及電腦系統又疑似出現老化，希望梁國權唔會好似佢上手咁，過分高估港鐵鐵路系統同佢班同事嘅承受能力喇！