該黨同公記年底會開集思會討論嚟緊兩年嘅區議會同立法會選舉機制，仲會評估新人表現兼選拔新力軍。區能發已歷任多屆寶林區議員，而且年過六十歲，好可能退休，睇嚟阿Ken好大機會上位喎。
不過，如果該黨要喺將軍澳殺出新血路，政府擴建將軍澳堆填區就係佢哋不能忽視嘅問題。
田北辰施「苦肉計」
該黨副主席田北辰就話，「三堆一爐」齊齊做係該黨唯一支持政府嘅條件，佢仲會要求政府興建廚餘中心，以及將廚餘運去離民居較遠嘅屯門及打鼓嶺堆填區，減少將軍澳居民忍受臭味薰天之苦。佢仲話，如此一來佢所屬嘅新界西選區居民都會受影響，將軍澳居民又點可以仲怪佢喎。