渡海濠情：着衫抗議絕對有效
法國有批裸體模特兒覺得自己不受尊重，加上收入微薄，於是發起罷工，而佢哋嘅罷工方式，就係着住衫走入畫室，更聲言一日唔解決問題，就一直着住衫開工，嚟自9號會所嘅格格就話：「呢招真係有用！」
對付男友
格格話：「我曾經用呢招嚟對付過我嘅男朋友，覺得好有效，話說佢答應暑假帶我去歐洲玩，但最後話忙，連長洲都去唔到，我於是提出抗議囉！點知佢當我吹水，我於是將抗議行動升級，每晚上床瞓覺時，都着好多衫，佢要親熱時就一於唔理佢，等佢自己同我剝，佢剝得一件，見到裏面仲有一件，即時冇晒胃口，佢忍得一日，就忍唔到第二日，終於第三日宣報投降，送上去巴黎嘅機票，乖乖同我去歐洲度假，所以着衫抗議真係有效！」
亂改制服
但除咗對付男朋友，好似其他場合冇乜用喎？格格話：「未必！好似拍三級片嘅明星，佢可以着衫嚟要求加薪，又或者去展覽會嘅騷女郎，如果老闆畀得少出場費，佢哋又可以着衫抗議。總之，大把場合都用得着，我記得有個姊妹喺桑拿場做，佢哋日日都要着性感制服開工，但因為囡囡們不滿主管嘅管理手法，於是集體比堅尼上身加外套，迷你裙下身着襪褲，問佢哋搞乜嘢？佢哋齊聲話凍！最後主管無奈，答允晒佢哋嘅要求，所以話呢招真係有用！」
格格Profile
年齡：20歲
三圍：34-24-34
撰文：魂
攝影：阿俊