中環出更：梁繼昌請議辦員工遊台北
時下打工仔女郁啲就話要跳槽，連立法會議員辦公室嘅員工流失率都不遑多讓，有議員不惜每年加薪留住員工，但會計界議員梁繼昌（Kenneth）仲闊佬，自掏腰包一次過請晒成個辦事處員工去台北旅行。Kenneth話，因為覺得同事一年來好幫得佢手，於是決定請佢哋去台北旅行作為獎勵。
咖啡店「朝聖」 慨嘆港落後
不過，Kenneth話今次唔係齋玩咁簡單，佢亦要求同事順道考察當地嘅文化同保育政策，返香港後幫佢做多啲環保議題。唔知係咪第一日去到未有節目，Kenneth就趁機去當地有名嘅「等一個人咖啡」店朝聖兼歎咖啡。佢話覺得咖啡嘅味道有啲淡，反而比利時窩夫嘅味道就算係唔錯。
Kenneth歎咖啡時亦不忘議會工作，佢話間咖啡店拍攝完電影後，竟然有電影「粉絲」頂咗間店舖繼續經營，大讚台北嘅咖啡同電影文化質素係亞洲鄰近地區之冠，慨嘆香港有排都未追得上喎。
卓妮