熟食中心逼客焗桑拿
上水石湖墟街市熟食中心為區內不少街坊的「飯堂」，因應人流暢旺，當局於九年前斥資六千萬加裝冷氣，租戶亦須每月繳交近數千元冷氣費，未料冷氣系統卻年壞十四次，甚至「壞足一個禮拜」，租戶與食客皆叫苦連天。區議員直指涉事冷氣系統自去年開始已不斷故障，食環署與機電署卻僅以「頭痛醫頭」方式處理，要求全面檢查及加裝後備機組，以根治問題。
「部冷氣一個禮拜壞五次，啱啱整完今朝又壞過，生意少咗三成已經夠慘，最驚係啲伙記做到中暑！」曹先生在石湖墟街市熟食中心經營食肆，指場內冷氣系統近日故障頻仍，高峰期更「壞足一個禮拜」，生意額大減之餘，亦令員工須在儼如蒸籠的環境下煮食及傳菜，擔心員工隨時中暑而「搞出人命」。
租戶月繳四千元冷氣費
曹先生又稱，熟食中心所有租戶每月除繳交租金外，亦需額外向食環署繳交約四千元冷氣費，不滿食環署「錢就收足，冷氣就成日冇」，檔戶甚至需自掏腰包加裝風扇，以紓緩又焗又熱情況，「個冷氣我哋有份畀錢，但就成日冇得用，依家天氣咁熱，就算加風扇都唔會涼得去邊，叫我哋點捱？」
對於被指轄下場地冷氣頻壞，食物環境衞生署發言人僅稱該署只負責中心日常管理，冷氣系統保養及維修則由機電工程署負責，強調會密切留意中心情況，確保冷氣系統運作正常。
機電署發言人證實，過去一年共接獲十四宗石湖墟街市熟食中心冷氣故障通知，其中兩宗涉及消防警報及雷暴影響大廈供電與冷氣供應，其餘屬輕微機件故障，強調所有維修工作均即日完成。
「天時暑熱冇冷氣，啲食客大汗疊細汗，租戶就更加辛苦，但由舊年講到依家，食環署同機電署都係唔肯諗辦法解決！」當區區議員王潤強表示，石湖墟街市熟食中心冷氣損壞問題一直為區內居民詬病。
去年夏天連續壞三個月
王潤強說，去年夏天上址曾發生連續三個月「冇冷氣」事件，當時已要求食環署全面檢查現有系統及加設後備冷氣機組，不滿當局至今仍未有回應市民訴求，「地下同一樓街市都有四個冷氣機組，但偏偏熟食中心就得兩個，亦冇裝後備，食環署同機電署淨係識互相卸責，搞到今年夏天又再成日壞，仲要整完都係壞！」王要求當局正視問題，盡快商討可行解決辦法。
記者：陳瑋珩