渡海濠情：破處心情平淡如水
美國有大學最近做咗個調查，研究男女破處後嘅心情，佢哋以三十年前嘅同樣調查為基礎，發現現今男女都以平常心嚟看待破處，而且罪惡感等負面情緒大減，嚟自利澳水療嘅莉莉就話：「如果畢業都未破處，罪惡感仲大呀！」
笑到面黃
莉莉話：「我記得讀高中時候，人人都拍拖，無論男女如果拍唔到拖就會畀人笑到面黃，所以我哋會有啲虛擬組合出現，例如一男一女經常走埋一齊，但以契哥契妹相稱，外人睇佢哋出雙入對，但就冇愛情關係，亦有一啲混合團隊，佢哋可能兩男兩女，經常出沒，外人以為佢哋係兩對情侶，實際全部都冇愛情關係，只係四個冇人要嘅可憐蟲成日走埋一齊同病相憐，所以家陣讀書，拍拖壓力真大，至於有拖拍嘅正式拖友，就會被人逼問幾時破處？」
壓力好大
有啲似明星拍拖，一知你哋拍拖就問幾時結婚，結咗婚就追問幾時會生仔！莉莉話：「有啲似啦！啲明星如果拍咗拖幾年都唔結婚，就會話佢哋感情亮紅燈呀！有第三者等！我哋啲同學亦一樣，如果你拍咗拖一兩年都未破到處，就會話你哋感情有問題，乜嘢難聽嘅說話都講，我當年真係聽到頂唔順，於是有一晚就叫我男朋友去屋企，勉為其難畀咗第一次佢，之後個個都冇嘢講，所以一係唔拍拖，一拍拖嘅破處壓力就會好大，你想避都避唔到呀！」
莉莉Profile
年齡：21歲
三圍：34-23-34
撰文：小德
攝影：阿德