東網雙龍出海，股民如虎添翼。東方報業集團旗艦網站「on.cc東網」走在時代尖端，成為全球華人最強資訊網，而財經頻道「東網Money 18」更加領潮流之先，既係網民嘅良師益友，亦係投資者嘅最佳選擇，無論閣下身在何處，都可以掌握先機，無往而不利。
唔係賣花讚花香o架。東方報業集團○七年推出「東網Money 18」，人氣急升，好評如潮，瀏覽量迭創新高。○九年更獲港交所授權推出免費實時基本報價服務，成為當時提供呢項服務嘅唯一香港綜合傳媒集團，深受全球股民歡迎，現時每周網頁及手機瀏覽頁次高達四千萬，名列香港財經網前茅；手機App一樣咁受歡迎，推出至今總下載量已達到一百一十萬人次，簡直係氣勢如虹，誰與爭鋒。
當然喇，東方報業集團嘅宗旨係精益求精，唔會滿足於目前成績嘅。為咗提供更佳服務，今日港股收市後「東網Money 18」將推出優化版，以全新面貌同網民見面，而網頁及Android版App亦會同步登場，功能更強大，資訊更豐富，大家有福喇！
話明係優化，一啲都唔簡單o架。「東網Money 18」係一站式財經頻道，集股票報價、財經新聞、投資推介、理財資訊於一身，既快又準，而且廿四小時運作，深受財經界人士重視，單計報價嘅每日查詢已超過二千萬，每月不重複瀏覽人次高達一百三十一萬。喺呢個成功基礎上，「東網Money 18」將加強與東網整合，除咗結合精彩嘅新聞內容，而且優化版面，提供更多優質圖片、影片及圖表，即係話，本來枯燥乏味嘅數字、架構重組同交易流程，將會變成易讀易明嘅圖表，務求令投資者一目了然。
仲有吖，優化之後嘅「東網Money 18」將會加強財經評論文章，除咗邀請財經專家及學者撰寫評論，仲會精選具國際影響力嘅媒體文章，投資者唔止可以享有即秒報價嘅便利，更可以擴闊國際視野，絕對係雙重得益。
講到雙重得益，「東網Money 18」手機App堪稱資訊最豐富嘅財經App，下載之後即可盡覽全部精彩內容，既方便又快捷。為咗配合今次優化，「東網Money 18」App報價服務將喺原有基礎上提供更多資訊，個別股份報價內容會相應增加市值、發行股數、全年每股盈利、每股派息、一個月高低價位等重要資訊，可以講係應有盡有，一覽無遺。
同樣值得一提嘅係，「東網Money 18」App將會喺版面內提供「東網港澳」App財經新聞嘅圖示捷徑，投資者可以喺呢兩大人氣App之間穿梭，盡享優點，倍添勝算。
總而言之，成功快人一步，東網為你做到。再次提醒大家，今日港股收市後「東網Money 18」以全新面貌登場，不見不散！