政情:接掌工程師學會 張志剛製會歌

香港工程師學會剛換屆,前土力工程處處長陳健碩卸任會長之後,由前高級副會長張志剛(Victor)接任。新人事新作風,Victor一上任就有新搞作,決定為個會製作一首名為《天工》的會歌,仲搵著名嘅音樂人倫永亮及鄭國江幫手作曲同填詞,又製作埋音樂影片(MV),相當認真、專業。

Victor話,首歌主要係介紹工程師嘅成就同貢獻,下個月主題曲正式面世時,將號召六十個會員一齊大合唱,場面應該幾震撼。雖然Victor咁落力促成件事,但佢話到時未必會唱埋一份喎!唔講唔知,原來佢吹色士風好叻,副會長蔡健鴻就擅長彈結他,隨時可以一齊Jam歌。或者正因為學會內臥虎藏龍,所以先至咁有共識,諗到製作會歌娛人娛己喇!

第一手消息請下載on.cc東網iPhone/iPad/Android/Windows Phone Apps