綠色先鋒：走訪中小學 宣環保訊息
環保從不是一個人的事，大家一起推動，總比一個人埋頭苦幹來得更有成效。「香港有咁多簿，得我一個無可能做到咁多，所以我更希望可以宣揚到環保訊息。」Dina除了親手製作「小簿簿」外，更走訪各中、小學，教授他們自行製作筆記簿的方法，並向學生宣揚珍惜紙張的環保訊息，期望學生日後可以自製筆記簿。
「其實依家紙廠有七成都係用天然木去製紙，紙廠仲會排放一種叫『黑液』嘅污染物，污染水源同埋空氣！」Dina坦言，斬樹過程使用推土機，更會破壞野生動物的棲息地，因此用紙時應三思及物盡其用。
遭家人反對仍堅持理念
「小簿簿」的製作雖然簡單，但設計道路並不易行。「家人都唔係好贊成，希望我搵番份設計公司嘅工。」Dina逆家人之意而行，全因為她對設計的一份堅持，方可以將「小簿簿」背後的理念發揚光大。「設計應該係為反映社會或者個人的問題，而唔係只係識用設計軟件，設計師只係聽指令去做嘢，咁仲係咪設計？」